3 ditë në Lurë
Dita 1:
Nisemi nga Tirana duke marrë autostradën Tiranë-Shkodër. Kthehemi në Milot për të vazhduar udhëtimin tonë drejt Lurës nëpërmjet rrugës që të çon në Rubik (një nga ish qytetet industriale, ku në uzinën e saj përpunohej ari i Shqipërisë). Me pamje shumë të bukur mes malesh dhe lumit Fan vazhdojmë udhëtimin për të arritur në Rrëshen, qendra e Mirditës.
Pas një pushimi te shkurtër, rinisim udhëtimin tonë, disi aventuresk në dukje, sepse udhëtojmë në rrugën e pa asfaltuar, por bukuritë natyrore, gjelbërimi i livadheve dhe pemëve, uji i lumit dhe malet perreth krijojnë një kompleks te jashtëzakonshëm.
Pasi lemë zonën e Mirditës në Mërkurth, hymë në zonën e Lures duke përshkruar rrugën e cila kalon përmes livadheve te Krej Lurës, një bukuri vërtet mahnitese ku gërshetohen të gjitha ngjyrat e luleve ne pafundësine e livadhit. Më pas marrim rrugën për në Pregj Lurë për të parë një skulpturë madhështore e punuar nga vetë natyra, në malin e Gurit të Kuq. Pas një pushimi të shkurtër vazhdojmë udhëtimin drejt qendrës së Lurës.
Mbas ngrënies së drekës dhe njohjes me Lurën drejtohemi drejt hotelit turistik i cili ndodhet në mes te pyllit në hyrje te Parkut Kombëtar. Mbasdite shoqëruesi i grupit do t’ju informoj mbi historinë, bejtet, zakonet e Lurës. Darka dhe fjetja në hotel ose në kullë.
Dita 2:
Pas ngrënies së mëngjesit në hotel, nisim një udhëtim më këmbë në ajrin e pastër të pyllit me pisha, për të arritur në perlat e Lurës, liqenet e saj.
Mbas një udhëtimi mbreslënës kthehemi në hotel për drekën dhe një pushim ç’lodhës.
Mbasdite nisemi drejt livadheve në Lanë Lurë.
Darka dhe fjetja në hotel ose kullë.
Dita 3:
Pas ngrënies së mëngjesit, marrim rrugën e kthimit drejt Tiranës për të përfunduar udhëtimin tonë.
